Agtultuloy a mangipaay ti France iti military intelligence iti Ukraine kalpasan ti panangipakammo ti Estados Unidos (US) nga isardengnan ti mangibinglay iti impormasion iti Ukraine, segun ken ni Defense Minister ti France Sebastien Lecornu ita nga aldaw, Marso 7.
Napateg ti impormasion nga ipapaay ti US tapno masiputanda ti panagtignay dagiti soldado ti Russia.
Kinuna ni Lecornu a gapu iti pangngeddeng ti US, naipasardeng met dagiti kargamento manipud iti Poland nga agturong iti Ukraine.
Innayon ni Lecornu a gapu iti pananngisardeng ti US iti amin a tulong-militar iti Ukraine, imbilin ni Presidente ti France Emmanuel Macron a papardasenda ti pannakaipaay ti tulong ti France tapno mapunnuan ti pagkurangan iti tulong ti US.
Pope Francis, nakalasaten iti peggad gapu iti pneumonia ngem adda pay laeng iti ospital
Ngem inlawlawag dagiti opisial ti administrasion ni Trump a nabalin nga agpabiit laeng daytoy bayat a maang-angay ti positibo a panagsarita ti US ken Ukraine. (Associated Press/Manila Bulletin//Lito Hilidon/Bannawag)
