Pinasingkedan ti Department of Information and Communications Technology (DICT) ita nga aldaw, Marso 7, nga inawaten ni Presidente Ferdinand Marcos Jr. ti panaglusulos ni Ivan John E. Uy a kas sekretario ti ahensia.
Nagyaman ti DICT iti nagapuanan ni Uy iti digitalisasion ti pagilian, kangrunaan ti pannakaisayangkat ti gandat ti gobierno a mangpasayaat iti teknolohia.
Impanamnama ti DICT iti publiko nga agtultuloy ti serbisio ti DICT iti laksid ti panaglusulos ni Uy.
Itay Marso 6, impakaammo ni Undersecretary ti Presidential Communications Office (PCO) Claire Castro ti panaglusulos ni Uy, ngem saan a naibaga ti rason daytoy. (Jel Santos/Manila Bulletin//Lito Hilidon/Bannawag)
Nasional
