Agtultuloy latta ti impeachment trial ni Bise Presidente Sara Duterte uray pay maawis iti panagimbestigar ti International Criminal Court (ICC) mainaig iti drug war ti amana a ni dati a presidente Rodrigo Duterte, kas kinuna ti maysa kadagiti prosecutor ti Kamara.
Segun ken ni Diputado Joel Chua (Manila 3rd district) ita a Lunes, Marso 10, maisayangkat latta ti impeachment trial, malaksid no kasapulan a mapan ni BP Duterte iti ICC iti The Hague, Netherlands.
Inlawlawag ni Chua a no saan a kabaelan ni BP Duterte ti sumango iti impeachment trial, mabalin a kiddawen ti judicial affidavit manipud iti kampo ti bise presidente.
Impalnaad ni Chua nga agtataripnong dagiti kameng ti prosecutor inton Marso 11 tapno pagsasaritaanda no ania ti aramidenda no masapul a mapan ni BO Duterte iti The Hague.
AFP, sisasagana a mangsuportar iti 3 a Filipino a naibalud iti China
Patien ni Chua a mabalin a pagpambar ni BP Duterte ti arrest warrant ti ICC tapno saan a sumango iti impeachment trial. (Joseph Pedrajas/Manila Bulletin//Lito Hilidon/Bannawag)
