Padpadaanan ti Philippine Air Force (PAF) ti isasangpet ti 22 a Black Hawk a helikopter a ginatangda manipud iti PZL Mielec mangrugi ita a tawen agingga iti 2026.
Kinuna ni Col. Ma. Consuelo Castillo, a pannakangiwat ti PAF, nga agdalan iti nainget a panagsanay dagiti kameng ti PAF a napusgan a piloto dagiti Black Hawk, tapno masigurado a kabaelanda a patayaben ken manteneren dagitoy.
Gimmatang iti PAF ti 32 a Black Hawk manipud iti PZL Mielec, maysa a subsidiario ti American defense ken aerospace manufacturer a Lockheed Martin. Napirmaan ti kontrata nga aggatad iti ₱32 billion idi Pebrero 2022.
Simmangpet ti umuna a lima a helikopter idi Hunio 2024, idinto a simmangpet ti maikadua a lima a helikopter idi Disiembre 2024.
Kaykayat dagiti Filipino millennial ti 'successful' ngem ti naragsak a relasion
Kinuna ni Castillo a sumangpet ti 15 ken pito pay ita a tawen agingga iti sumaruno a tawen.”
“Iti ania man a kanito nga adda sumangpet a baro nga equipment, nangruna dagiti awan iti imbentariotayo, kanayon a karaman iti proseso ti panagsanay dagiti piloto ken maintenance crew-tayo,” innayonna.
“Kanayon a siguraduenmi iti amin nga aspekto a nasanay a naimbag dagiti pilototayo kasta met dagiti crew a mangmantener kadagiti air asset-tayo gapu ta minilion ken binilion a pisos ti busbusbosentayo para kadagitoy. Kasta met a napateg ti karadkad dagiti crew-tayo,” kinunana pay. (Martin Sadongdong/Manila Bulletin/Lito Hilidon/Bannawag)
