Kiniddaw ti Malakanyang kadagiti pasurot ni dati a presidente Rodrigo Duterte ti panagtanangda, gapu iti naipadamag a posible a pannakaarestarna, ket kinuna ti Palasio nga awan ti rumbeng a pagdanaganda ta daytoy met ti kayat ni Duterte.
Daytoy ti impalgak ni Undersecretary ti Presidential Communications Office (PCO) Claire Castro ita nga aldaw, Marso 10, kalpasan a nagwaras ti damag a nangipaulogen ti International Criminal Court (ICC) iti arrest warrant a maibusor ken ni Duterte gapu iti maipagarup a crime against humanity.
Impaganetget ni Castro a nakasagana dagiti pannakabagi ti linteg a mangipatungpal iti arrest warrant no kiddawen ti Interpol.
Kiniddaw ni Castro kadagiti pasurot ni Duterte nga agtanangda, gapu ta mabalin a manggubuay iti riribuk ti pannakaipatungpal iti arrest warrant.
AFP, sisasagana a mangsuportar iti 3 a Filipino a naibalud iti China
Segun ken ni Castro, patienna a saan a liklikan ni Duterte ti ICC yantangay kinuna idi ti dati a presidente a kayatna a sanguen ti ICC iti kabiitan a panawen. (Argyll Cyrus Geducos/Manila Bulletin//Lito Hilidon/Bannawag)
