Panggep ti gobierno ti Filipinas ti pannakabukel ti Visiting Forces Agreement (VFA) iti United Kingdom (UK) tapno mapabileg ti panagtinnulongda iti depensa.
Nagsarita idi Marso 8 da Sekretario ti Department of Foreign Affairs (DFA) Enrique Manalo ken Foreign Minister ti UK David Lammy iti Manila tapno pirmaanda ti plano a panangpabileg iti relasion dagiti dua a pagilian iti benneg ti politika, ekonomia, serbisio ti konsular, panagbalbaliw ti klima, ken depensa.
Ti napirmaan a Philippine-UK Joint Framework Agreement ti mangiturong iti relasion ken panagtinnulong dagiti dua a pagilian iti negosio, depensa, human rights, ken seguridad iti rehion.
Inlawlawag ni Manalo nga awan pay ti pinal kadagitoy, ngem mabalin a manamnama a maisayangkat iti masakbayan.
AFP, sisasagana a mangsuportar iti 3 a Filipino a naibalud iti China
Segun ken ni Lammy, baro a direksion ti turongen ti relasion dagiti dua a pagilian gapu iti napardas a panagbalbaliw ti lubong. (Raymund Antonio/Manila Bulletin//Lito Hilidon/Bannawag)
