Kiniddaw ni Senate President Francis “Chiz” Escudero kadagiti opisial ti gobierno a dalusan ken ritubarenda dagiti eropuerto ti pagilian kadagiti scalawag wenno mananggundaway tapno pumintas ti imahen ti Filipinas kadagiti agbiahe nga umili weno ganggannaet.
Daytoy ti indagadag ni Escudero kalpasan a naikkat dagiti security personnel a naipadamag a nairaman iti "tanim-bala" scam iti Ninoy Aquino International Airport (NAIA) itay nabiit.
Dinayaw ni Escudero ti baro a sekretario ti Department of Transportation (DOTr) a ni Vince Dizon gapu iti napardas a panagtignayna kontra kadagiti tallo nga empleado ti Office of Transportation Security (OTS), a nangbiktima iti maysa a 69 ti tawenna a babai sakbay nga aglugan daytoy iti eroplano a mapan iti Vietnam.
Segun ken ni Escudero, daytoy koma a pasamak ti mangitunda iti komprehensibo a reporma a mangbaliw iti imahen dagiti eropuerto ti Filipinas.
₱10.8-milion ti balorna a marihuana, nasamsam iti Caloocan
Kinuna ni Escudero a dakkel ti pammatina iti DOTr, nga addaan itan iti aktibo a daulo, ken ti operasion dagiti eropuerto a nagbalinen a pribado babaen ti baro a NAIA Infra Corp. (NNIC). (Hannah L. Torregoza/Manila Bulletin//Lito Hilidon/Bannawag)
