Sumarungkar iti Filipinas ti Foreign Minister ti Slovenia a ni Tanja Fajon manipud Marso 10 tapno makasaritana ni Sekretario ti Department of Foreign Affairs (DFA) Enrique Manalo tapno mapapigsa ti panagtinnulong dagiti dua a pagilian iti nadumaduma a sektor, agraman iti negosio ken iti seguridad iti baybay.
Daytoy ti damo a panangsarungkar ti maysa a foreign minister ti Slovenia iti Filipinas.
Segun ken ni Teresita Daza a pannakangiwat ti DFA, tamingen da Manalo ken Fajon ti pangtinnulong ti dua a pagilian iti negosio ken panagpuonan, isports, siensia ken teknolohia, nuclear energy, labor, ken maritime cooperation ita nga aldaw, Marso 11.
Ibinglay dagiti dua nga opisial ti kapanunotanda kadagiti parikut iti rehion ken iti sangalubongan, ken mapasingkedan ti panagkumit ti Filipinas ken Slovenia iti panagturay ti linteg ken maibatay-linteg nga urnos iti sangalubongan.
AFP, sisasagana a mangsuportar iti 3 a Filipino a naibalud iti China
Alaen ni Fajon daytoy a gundaway a manglukat iti embahada ti Slovenia iti Filipinas. (Raymund Antonio/Manila Bulletin//Lito Hilidon/Bannawag)
