ROMA (AP) — Kinuna dagiti doktor a nakalasaten iti peggad gapu iti pneumonia ni Pope Francis a nakaigapu iti pannakaospitalna iti dandani nasurok a makabulan. Nupay kasta, kunada nga agtalinaed pay laeng iti ospital ti Santo Papa tapno maituloy ti pannakaagasna.

Iti kaudian a pakaammo dagiti doktorna, kunada a natalgeden ti kasasaad ti agtawen iti 88 a Santo Papa, kas ipaneknek dagiti blood tests daytoy ken iti positibo a panangawat ti bagina kadagiti agasna.

Impakita ti Santo Papa a simmayaaten ti kasasaadna babaen ti pannakipartisiparna iti agmakalawas nga spiritual retreat babaen ti videoconference, iti agpada a sesion iti bigat ken iti malem.

Iti isasangpet dagiti monghe a Katoliko tapno ag-Santo Rosarioda para ken ni Pope Francis iti St. Peter's Square iti Batikano, Domingo, Marso 9, 2025. (AP Photo/Francisco Seco)

Tinawen a maangay ti retreat a kas panangirugi ti Simbaan Katoliko iti panawen ti Kuaresma nga agtungpal iti Aldaw ti Panagungar.

Internasional

France, agtultuloy a mangipaay iti military intelligence iti Ukraine

Iti umay a Huebes, rambakan ti Batikano ti maika-12 nga anibersario ti pannakapili ni Francis a kas Santo Papa. Nabotosan ni Francis a maika-266 a Santo Papa, ti umuna a Hesuita a papa ken umuna manipud iti Latin America idi Marso 13, 2013, kalpasan ti panaglusulos ni Pope Benedict XVI. (Associated Press/ Manila Bulletin)