Agdagup iti ₱10,860,000 ti balorna a marihuana ti nasamsam manipud iti uppat a suspek a natiliw iti naisayangkat a buy-bust operation iti Siudad ti Caloocan idi agsapa iti Martes, Marso 11.
Kinemmeg dagiti kameng ti Caloocan City Police Station-Drug Enforcement Unit (CCPS-DEU) dagiti uppat a suspek a pakairamanan ti tallo a lallaki, ken maysa a babai nga agtawen iti 25.
Maibatay iti report ti polisia, naiwayat ti buy-bust iti San Lorenzo St., Barangay 185, Malaria, Caloocan City.
Naalada manipud kadagiti suspek ti 90.5 a kilo a marihuana nga agbalor iti ₱10,860,000, tallo a nangisit a kahon, dua a dadakkel a plastic container, pagtimbangan, ken ti buy-bust money.
'Panangbarengbareng iti soberania?': Rep. Ortega, sinungbatanna ti imbatad ni Sara Duterte
Maidarum dagiti suspek iti kaso a panaglabsing iti Republic Act 9165 wenno ti Comprehensive Dangerous Drugs Act of 2002. (Hannah Nicol/Manila Bulletin//Lito Hilidon/Bannawag)
