Kinompirmar ti Office of the Vice President (OVP) a nagbiahe ni Bise Presidente Sara Duterte itay agsapa ti Marso 12, a nagturong iti The Hague, Netherlands a yan ti International Criminal Court (ICC).
Segun iti pakaammo ti OVP, nagbiahe ni BP Duterte manipud iti Manila itay 7:40 iti agsapa a naglugan iti Emirates Flight no. EK 337 a mapan iti Amsterdam.
Iti maysa nga interbiu idi Martes ti rabii, kinuna ni BP Duterte a nakasaritana ti amanna iti telepono sakbay a timmayab ti eroplano a naglugananna a mapan iti Netherlands manipud iti Villamor Airbase.
Kinuna ni BP Duterte a binalakadanna ti amana a saan nga umaw-awat iti danum wenno taraon nga ited ti asino man.
Camille Villar: Nasken a marisut ti parikut iti umad-adu nga agsiksikog a tin-edier iti pagiliantayo
Innayon ti bise presidente a masapul a mapan iti The Hague tapno kasaritana dagiti abogado ti amana sadiay. (Raymund Antonio/Manila Bulletin//Lito Hilidon/Bannawag)
