Nagsuek ti lokal nga stock market gapu iti profit-taking, a ginubuay ti ti panagdadanag dagiti investor a mariribukan kadagiti agbaliwbaliw a tariff policies ni U.S. President Donald Trump.
Bimmaba ti main index iti 154.22 points, wenno 2.42%, tapno agserra iti 6,206.55, idi Martes, Marso 11. Ti property sector ti nangruna a bimmaba.
Ngimmato ti volume agingga iti 753 a milion a shares, nga agbalor iti ₱7.71 bilion, kabayatan nga immadu ti losers (157) no maidilig iti gainers (58), idinto a 41 ti di nagbaliw.
“Naapektaran dagiti Philippine shares gapu kadagiti panagdadanag iti kaawan pannakasigurado kadagiti pagalagadan ti taripa ket mabalin a mangguyod iti sangalubongan nga ekonomia iti maysa a recession,” kinuna ni Luis Limlingan, direktor ti Regina Capital Development Corp.
16 nga OFW a nagrali iti Qatar, mabalin a maibalud iti 3 a tawen
Innayonna nga “umad-adu dagiti pakaseknan maipapan iti U.S. iti napalabas a bulan, a pinakaro dagiti nabiit pay a proklamasion ti White House.” (James A. Loyola/MB)
