Simmangpet ni Bise Presidente (BP) Sara Duterte iti Amsterdam, Netherlands itay agsapa, Marso 13 (oras iti Filipinas), tapno tulonganna ni dati a presidente Rodrigo Duterte nga addan iti sidong ti International Criminal Court (ICC) iti The Hague.
Nagdisso iti Amsterdam idi 7:27 iti rabii iti oras iti Netherlands (2:27 iti parbangon iti Filipinas) ti eroplano a nagluganan ni BP Duterte, ken manamnama nga agtarus iti The Hague, a maysa nga oras ti kaadayona iti Amsterdam.
Segun iti media advisory ti Office of the Vice President (OVP), kasarita ni BP Duterte dagiti abogado ken agkiddaw a mangsarungkar iti amana inton Marso 13.
Mabalinen ti bise presidente a sungbatan dagiti saludsod dagiti kameng ti prensa no maurnosen ti pagdagusanna iti The Hague inton Marso 14.
Umdas ti imbinglay dagiti kameng ti gabinete iti pannakaarestar ni Duterte -- Malakanyang
Inikkan ti Office of the President (OP) ni BP Duterte iti travel authority iti papanna iti Netherlands, segun iti Presidential Communications Office (PCO). (Raymund Antonio/Manila Bulletin//Lito Hilidon/Bannawag)
