Imballaag ti Cybercrime Investigation and Coordinating Center (CICC) idi Marso 12 ti posible a panagadu dagiti deepfake ken cyber attack ita a 2025, ket dinagadagna ti publiko ken ti pribado a sektor a papigsaenda ti depensada iti internet.
Impeksa ti CICC ti pakaseknanna iti umad-adu a pangta dagiti deepfake ken cyber attack ita a tawen, iti yaadani ti midterm elections ken ti umad-adu a pannakausar ti artificial intelligence (AI).
Iti komperensia a naawagan iti "Forging Collaborative Cyber Resilience: Protecting Critical Infrastructure and Democratic Institutions," a naangay iti Siudad ti Makati idi Marso 11 ken 12, impalgak ti CICC nga agdagup iti 200 agingga iti 300 a deepfake ti maduktalanda iti inaldaw.
Timmabuno iti komperensia dagiti diplomat a pakiaramanan da Embahador David Hartman (Canada), Catherine McIntosh (New Zealand), Lai Thai Binh (Vietnam), Karel Hejc (Czech), ken Saija Nurminen (Finland).
Partido ni Romualdez, agtalinaed a dominante iti maika-20 a Kongreso
Tapno malapdan ti panagwaras ti deepfakes, gimmatang ti CICC iti software a makabael a manglasin iti deepfakes iti las-ud ti 30 a segundo, ken addaan iti accuracy rate a 95 a porsiento. (Merlina Hernando-Malipot//Manila Bulletin/Lito Hilidon/Bannawag)
