Impasigurado ti Embahada ti Filipinas iti The Hague, Netherlands nga impaayda ti umno a tulong ken ni dati a presidente Rodrigo Duterte, kasta met kadagiti kakaduana a pakairamanan ni dati nga Executive Secretary Salvador Medialdea.
Adda itan ni Duterte iti sidong ti International Criminal Court (ICC) tapno sanguenna ti kasona a crime against humanity mainaig iti drug war nga insayangkatna idi nagakem a kas presidente.
Nagdisso ti naglugananna nga eroplano iti Rotterdam, Netherlands idi 11:56 iti rabii ti Mierkoles, Marso 12 (oras iti Filipinas).
Kinuna dagiti opisial ti ICC ken ti Netherlands Ministry of Foreign Affairs a bambantayanda a nalaing ti kasasaad ti salun-at ti dati a presidente. Inasikaso dagiti doktor ti ICC ni Duterte apaman a simmangpet iti ICC Detention Center.
Sara Duterte, agsagsaganan nga agawid iti pagilian
Inikkan ti Netherland Immigration Authority iti agpaut iti dua nga aldaw a visa dagiti nangkuyog ken ni Duterte tapno makainanada sakbay nga agsublida iti Filipinas, ngem 15 nga aldaw ti naited ken ni Medialdea a kas abogado ni Duterte ken naikkan pay iti pammalubos a mangsarungkar inton Marso 13 iti ICC Detention Center iti Scheveningen, The Hague. (Raymund Antonio/Manila Bulletin//Lito Hilidon/Bannawag)
