Obligado ti gobierno ti Filipinas, babaen ti bukodna a linteg, a mangipaima ken ni dati a presidente Rodrigo R. Duterte iti International Criminal Court (ICC), kinuna ti Department of Justice (DOJ) idi Mierkoles, Marso 12.
Segun ken ni assistant secretary ti DOJ Jose Dominic F. Clavano IV, naipaima ni Duterte iti ICC babaen ti Republic Act (RA) No. 9851, ti Philippine Act on Crimes Against International Humanitarian Law, Genocide, and Other Crimes Against Humanity.
Kabayatanna, emosional met dagiti nagtitipon a taga-Siudad ti Davao idi rabii ti Martes, Marso 11, bayat ti panangbuybuyada iti live broadcast ti pannakailugan ni Duterte iti pribado nga eroplano a mangibiahe kenkuana idiay The Hague, Netherlands.
Tapno maipakita ti suportana iti amana, binaliwan met ni Bise Presidente Sara Duterte ti profile photo ti Facebook page-na iti nalabaga a laso a nakaisuratan ti “Bring PRRD Home” ken ti gemgem a senial nga usar ti dati a presidente.
16 nga OFW a nagrali iti Qatar, mabalin a maibalud iti 3 a tawen
Iti met biang ti negosio, mabalin a temporario nga apektaran ti pannakaarestar ni Duterte dagiti pinansial a merkado, ngem mabalin met nga umadu dagiti long term investment, segun iti maysa nga eksperto iti ekonomia. (MANILA BULLETIN)
