Namnamaen ti Commission on Elections (Comelec) a mairingpas ita a lawas ti pannakaimprenta ti 69 a milion nga official ballot para iti midterm elections inton Mayo 12.
Segun iti waragawag ni daulo ti Comelec George Garcia idi Marso 13, adda pay 3 a milion a balota a masapul a mayimprenta, a manamnama a mairingpas ita a Biernes, Marso 14, wenno inton Sabado, Marso 15.
Kalpasan daytoy, beripikaren ti Comelec dagiti naimprenta a balota.
Kinuna ni Garcia a naberipikardan ti kagudua dagiti nayimprentan a balota, ngem agtultuloy ti panangberipikarda agingga iti Abril.
Nora Aunor, 71, pimmusay
Ti National Printing Office (NPO) ken Miru Systems a service provider ti Comelec ti mangyim-imprenta kadagiti balota.
Idi Enero 27, rinugian manen ti Comelec ti mangyimprenta kadagiti balota iti NPO kalpasan a naipasardeng daytoy gapu iti temporary restraining orders nga impaulog ti Korte Suprema kontra iti Comelec ken iti pangngedeng daytoy a nangdiskualipikar kadagiti dadduma nga agyangangay a kas nuisance candidates. (Ferdinand Patinio/PNA//Lito Hilidon/Bannawag)
