Ni Sekretario ti Department of Justice (DOJ) Jesus Crispin C. Remulla ti napusgan a mangibagi iti gobierno iti Korte Suprema (SC) mainaig iti tallo a petition for habeas corpus a naipila iti kaso ni dati a presidente Rodrigo R. Duterte.
Segun ken ni Remulla iti waragawagna ita a Marso 18, isu ti dinutokan ni Executive Secretary Lucas P. Bersamin a mangsungbat iti petision kalpasan a nagkedked ni Solicitor General Menardo Guevarra a mangitakder iti gobierno a mangsungbat iti petision nga impila dagiti tallo nga annak ni Duterte iti SC.
Kinuna ni Remulla a naidatagnan ti komento ti DOJ iti SC idi Marso 17, ngem saannan nga impakaammo no ania ti linaon daytoy.
Patien ni Remulla a saan a patgan ti SC ti petition for habeas corpus wenno pannakairuar ken pannakaisubli ni Duterte ta addan daytoy a nakapupok iti The Hague.
Grupo dagiti mannursuro, nagkiddaw iti pannakaipatungpal ti 'teacher-friendly' nga iskediul iti SY 2025-2026
Innayon ni Remulla a nangngeg ti amin a Filipino ti sinao idi ni Duterte a sanguenna ti ania man a kaso iti ICC. (Jeffrey Damicog/Manila Bulletin//Lito Hilidon/Bannawag)
