Saan a pinirmaan ni Presidente Marcos ti gakat a mangideklarar iti Pampanga a kas sentro dagiti agkakaimas a makan iti Filipinas tapno maliklikan ti diskriminasion.

"Maganda po yung bill pero magke-create po kasi ito ng discrimination,” kinuna ni Palace Press Officer and Communications Undersecretary Claire Castro itoy nga aldaw (Marso 20), iti pannakasaludsod no apay a saan a pinirmaan ti Presidente ti gakat.

Kinuna ni Castro nga amin a rehion ti pagilian, addaan kadagiti  kabukbukodan nga ipagtangtangsit a makan ket ti panangideklarar iti maymaysa a probinsia wenno maymaysa a rehion a kas yan dagiti agkakaimas a makan wenno yan dagiti panganan a pakasarakan kadagiti agkakaimas a makan, itundana laeng ti pannakatikaw dagiti turista, nangruna kadagiti aggapu iti ballasiw-taaw.

Nasional

China, inlibakna a nagkiddaw ni Duterte iti asylum

"Ang atin pong bawat rehiyon po ay may kanya kanyang kultura, may kanya kanyang kagalingan, kung lalabas po na may pipiliin po lang na isa lamang na rehiyon na parang siya po ang pinakamasarap, pinakamagaling, pinakamaganda, baka po maisip ng ibang tao, especially yung mga dayuhan na nais pumunta sa Pilipinas, isiping iisa lamang na rehiyon ang maaari nilang puntahan at sasabihing pinakamaganda at pinakamasarap na pagkain, na local food,” inlawlawag ni Castro.

Innayon ni Castro a ti di panangpirma ti Presidente iti gakat ket saanna met a kayat a sawen a di mamati isuna nga aggapu iti Pampanga dagiti kaiimasan a makan.

"Kasi lahat po ng rehiyon ay may kanya kanya, may uniqueness na tinatawag so kaya po ito ay vineto," kinuna ni Castro. "Hindi naman para po hindi paniwalaan na masarap, o maganda ang kultura ng Pampanga pero para po kilalanin ang buong rehiyon, ang bawat rehiyon sa kanilang kagalingan,” kinuna ni Castro.

Ni Senador Lito Lapid, tubo ti Pampanga, ti kangrunaan ngaa autor ti gakat. (Betheena Unite/ Manila Bulletin)