"Too late the hero."
Daytoy ti kinuna ni reeleksionista a senador Christopher “Bong” Go idi Marso 19 maipapan iti insayangkat ni Senador Imee Marcos a panagimbestigar ti Senado iti pannakaarestar ni dati a presidente Rodrigo Duterte iti International Criminal Court’s (ICC).
Naituding a maangay ti hearing ti Senate Committee on Foreign Relations nga idadauluan ni Senador Marcos ita nga aldaw, Marso 20.
Kinuna ni Marcos a masapul a malawlawagan ti pagpatinggaan iti pannakitinnulong ti gobierno kadagiti ahensia a mangipatungpal iti international law.
19 a Filipino a nakemmeg iti Qatar, adda pay laeng iti sidong ti polis
Ngem kinuna ni Go, a kameng ti Komite, kalintegan ni Marcos ti mangangay iti imbestigasion nupay naladawen daytoy ta saandan a maisubli ni dati a presidente Duterte iti Filipinas.
Segun ken ni Go, no kabaelan ti imbestigasion nga isubli ni Duterte iti pagilian, uray inaldaw nga agbistada. (Hannah L. Torregoza/Manila Bulletin//Lito Hilidon/Bannawag)
