Kayat ti kampo ni dati a presidente Rodrigo Duterte ti agkiddaw iti legal a tulong manipud iti International Criminal Court (ICC) tapno adda pangtangdanda kadagiti abogado a mangidepensa iti dati a presidente kadagiti kasona a crime against humanity of murder, kinuna ni Bise Presidente Sara Duterte ita a Marso 20.
Iti maysa a virtual conference, impalgak ni BP Duterte a pinakaammuannan ti abogadoda a ni Nicholas Kaufman, a saan a pribado a maponduan ti kasoda, ket dakkel ti posibilidad a dumawatda iti legal aid manipud iti ICC.
Adda ipapaay ti ICC a Legal Aid System (LAS) tapno masigurado nga adda mangibagi iti naidarum a tao a maibilang a marigrigat.
Agingga ita, ni Kaufman pay laeng ti kompirmado nga abogadoda, ket kasarsaritana pay laeng ti maysa nga abogado a mabalin a kadua ni Kaufman.
China, inlibakna a nagkiddaw ni Duterte iti asylum
Kinuna ni BP Duterte nga agtalinaed pay laeng iti Netherlands ta kasapulan a trabahuenna pay ti pannakakompleto dagiti mangbukel iti legal team ti amana. (Raymund Antonio/Manila Bulletin//Lito Hilidon/Bannawag)
