Naklaat ti gobierno ti Filipinas iti pangngeddeng ti Court of Appeals ti Timor-Leste a nanglapped iti ekstradision ni dati a diputado ti Negros Oriental Arnolfo "Arnie" Teves Jr.
Kinuna ni Undersecretary ti Presidential Communucations Office (PCO) Claire Castro idi Marso 21 a naklaatda, aglalo ti Department of Justice (DOJ), maipapan iti daytoy.
Kinuna ni Castro nga adda dakes nga epekto daytoy iti maar-aramid nga imbestigasion maibusor ken ni Teves, a suspek iti pannakapapatay ti gobernador ti Negros Oriental a ni Roel Degamo idi Marso 2023, ken iti dadduma pay a krimen.
Imbilang ti Anti-Terrorism Council idi 2023 a maysa a terorista ni Teves a naidarum iti nadumaduma a kaso iti korte.
China, inlibakna a nagkiddaw ni Duterte iti asylum
Nupay kasta, kinuna ni Castro nga intaklinen ni Presidente Marcos iti DOJ daytoy a banag, nga agapeplar iti Timor-Leste. (Argyll Cyrus Geducos/Manila Bulletin//Lito Hilidon/Bannawag)
