Dinutokan ni Presidente Ferdinand R. Marcos Jr. ni Henry Rhoel Aguda a kas Sekretario ti Department of Information and Communications Technology (DICT) idi Marso 20.
Dati a presidente ken chief executive officer ti UnionDigital Bank ni Aguda, a nangsukat ken ni Ivan John Uy a naglusulos i'toy laeng a bulan.
Nagpaay ni Aguda a kas Digital Infrastructure Lead ti Private Sector Advisory Council (PSAC), a binukel ni Marcos a mangtulong iti administrasionna a mangibanag iti panagkaykaysa ti pribado ken publiko a sektor.
Segun iti Malakanyang, adu ti padas ni Aguda manipud iti sektor ti banko, teknolohia, ken telekomunikasion, ken paglainganna ti digitial transformation, digital banking, ken financial crimes.
China, inlibakna a nagkiddaw ni Duterte iti asylum
Sakbay a nagtrabaho iti UnionDigital Bank, nagpaay ni Aguda a kas board chairman ti City Savings Bank ken UBX Philippines.
Naturposna ti Juris Doctor ken Bachelor of Science in Mathematics a kas cum laude iti University of the Philippines. (Betheena Unite/Manila Bulletin//Lito Hilidon/Bannawag)
