Inyebkas ti polis ken vlogger, a naidarum gapu iti mapapati a panagsugsog tapno matippuog ti gobierno, ti panagbabawina idi napan manen nag-report iti duty-na.
Nakasuan ti polis gapu kadagiti impaspaskil ken inwarwaragawagna a pro-Duterte sentimientona ken panangbabbabalawna kadagiti superior-na iti Philippine National Police (PNP).
Nagparang ni Patrolman Francis Steve Fontillas iti Quezon City Police District (QCPD) idi Huebes, Marso 20, ket “agsangsangit ken napalaus ti panagpadispensarna”, segun ken ni Commissioner ti NAPOLCOM Rafael Vicente R. Calinisan.
“Inkari met ni Fontillas a saanen nga agpaskil pay iti seditious comments ken hate speech kadagiti social media page-na,” kinuna ni Calinisan idi Biernes, Marso 21.
China, inlibakna a nagkiddaw ni Duterte iti asylum
Segun ken ni Calinisan, naipasidong ni Fontillas iti restrictive custody kalpasan a nag-report daytoy iti duty-na. Nupay kasta, kinuna ti NAPOLCOM nga ituloyda ti administrative ken criminal charges a naipila kontra ken ni Fontillas.
Iti Facebook page-na, impaskil ni Fontillas ti panangapresiarna iti PNP gapu iti panangtedna kenkuana iti maikadua a gundaway.
“Sa kabila ng paggimbal ko sa organisasyon iti sa gobyerno, pinatawad pa rin ako ng Philippine National Police. Isa pa rin akong pulis ng Pilipinas,” kinunana.
“Maraming maraming salamat po sa Panginoon. Maraming maraming salamat po sa buong pamunuan ng PNP, lalong-lalo na sa Quezon City Police District, na nakinig at naunawaan ang mga saloobin at hinaing ko at sobrang gaan na ng loob ko. Sobrang babait po ninyo mga ma’am/sir! Wala po akong masabi sa kabaitan niyo! Muli, maraming maraming salamat po! Mula sa puso!,” innayonna.
Naammuan a nag-absent without official leave (AWOL) ni Fontillas sipud pay idi Marso 6. Nakadestino isuna iti District Personnel and Holding Admin Section (DPHAS) ti QCPD manipud idi Pebrero 20.
Idi Marso 17, nangipila ti QCPD iti kaso a panaglabsing iti Article 142 (Inciting to Sedition) ti Revised Penal Code, mainaig iti Republic Act No.
Naidarum pay kadagiti administratibo a kaso para iti grave misconduct ken conduct unbecoming of a police officer.
Babbabalawen ni Fontillas ti Criminal Investigation and Detection Group (CIDG), partikular ti daulo daytoy ni Major Gen. Nicolas Torre III, gapu iti panangtiliwda ken ni dati a presidente Rodrigo Duterte idi Marso 11 mainaig iti arrest warrant nga impaulog ti International Criminal Court (ICC) (Martin Sadongdong/MB)
