Tallo a pro-Duterte social media personalities ti mabalin nga i-cite for contempt ti Kamara no saanda pay latta nga agparang iti panagimbestigar maipapan iti fake news.
Kinuna ni Surigao del Sur 2nd district Rep. Johnny Pimentel a mangipaulogda iti subpoena kada dati a pannakangiwat ti anti-communist task force ken mapapati a red-tagger Lorraine Badoy, Allan Troy "Sass" Sasot, ken Jeffrey Celiz tapno agatendarda iti sumaruno a naituding a hearing inton Abril 8.
Segun ken ni Pimentel, no kaskasdi a dida agatendar iti sumaruno a hearing, ti sumaruno nga addang kalpasan a naipaulog dagiti subpoena ket ti pannakaipaulog ti contempt order.
Inkalintegan ni dati a press secretary ken social media personality Trixie Cruz-Angeles ti saan a panagparang dagiti tallo a vlogger. Kinunana nga adda ni Badoy iti ruar ti pagilian, idinto a napadisi ni Sasot iti virtual hearing iti Zoom idi pinadas daytoy ti online a tumabuno.
Panangakseptar iti pannakawayawaya ni Duterte, kaipapananna ti panangbigbig iti hurisdiksion ti ICC iti Filipinas -- Malakanyang
Kinuna ni Pimentel nga eksklusibo ti nasao a Zoom meeting para laeng kadagiti kameng ti Kamara ken saan a para kadagiti resource person.
Kasakbayanna, sumagmamano a social media personalities, a pakairamanan ni Badoy, ti nagkiddaw iti temporary restraining order (TRO) ti Korte Suprema ta kunada labsingen ti hearing ti Konstitusional a kalinteganda iti iti nawaya a panagyebkas.
Nupay kasta, awan pay tignay ti Korte Suprema iti nasao a petision.
Kinuna ni Cruz-Angeles, a di nagatendar iti dua a napalabas a hearing, a nagparang isuna iti hearing idi Marso 21 gapu ta naikkanda iti "compulsory order".
Knuna ni Pimentel nga iti 18 a vlogger nga inawisda nga agatendar iti Marso 21, sangsangapulo ti nagparang. (Joseph Pedrajas/MANILA BULLETIN)
