Tapno ad-adda pay a maawatanna ti kasasaad dagiti adda kadagiti barangay, nakisarita ni Camille Villar kadagiti nadumaduma a tsapter ti Liga ng mga Barangay ken kadagiti opisial lokal ti Iloilo, Capiz, ken Palawan itay nabiit.
Iti panagsaritana iti kombension ti Liga ng mga Barangay ti Cebu iti Iloilo Convention Center, dinakamat ni Villar ti kinapateg ti tulong dagiti opisial ti barangay iti pannakaidanon dagiti serbisio ti gobierno kadagiti umili.
Babaen dagiti 42,000 a barangay iti sapasap a pagilian, kinuna ni Villar a maikkan ti gobierno iti pannakabael a makapagserbi kadagiti komunidad.
Impaganetgetna pay no kasano ti kinapateg ti tunggal barangay iti pannakaidanon dagiti kangrunaan a serbisio iti salun-at ken iti pannakapasayaat ti biag dagiti bumarangay, ken iti pannakaiwayat dagiti proyekto ti komunidad.
Panangakseptar iti pannakawayawaya ni Duterte, kaipapananna ti panangbigbig iti hurisdiksion ti ICC iti Filipinas -- Malakanyang
Mainaig iti daytoy, inkari ni Villar ti agtultuloy a suportana kadagiti tignay a mangpabileg pay kadagiti barangay ken impanamnamana dagiti benepisio iti edukasion a para kadagiti barangay workers.
Kas naminduan a nagtakem nga agpampanday-linteg, am-ammo ni Villar a kas mangitantandudo iti pannakaparnuay dagiti trabaho, entrepreneurship, ken pannakapaadda ti balay ti tunggal Filipino. Ikagkagumaananna pay ti pannakasaluad ti salun-at dagiti inna, ken supsuportaranna dagiti gannuat a mangidur-as kadagiti karbengan dagiti babbai.
“Noong pa man, isinusulong ko na ang mga batas na magtataguyod ng kabuhayan, magbibigay ng trabaho, magpapaabot ng pangarap na bahay para sa mga Filipino, ipagpapatuloy ko po yan,” kinunana iti panagsaritana.
Iti laksid dagiti kritisismo a maibatbato kenkuana, kinuna ni Villar nga iti kanito a maipaay kenkuana ti gundaway nga agserbi iti Senado, kinunana nga ituloynanto ti kita ti nasamay a panagserbi kadagiti umili, a nagramut iti “Sipag at Tiyaga,” nga idi pay a nakaam-ammuan dagiti ag-Villar.
“Ako po ang magiging bagong boses niyo sa Senado ng sa gayon matugunan natin ang pangangailangan ng bawat pamilyang Filipino,” innayon ni Villar, a kandidato a senador iti 2025 midterm polls.
Manipud iti Iloilo, nag-motorcade ni Villar a napan iti Capiz a nakitungtonganna kadagiti mayor ti probinsia iti Capiz Provincial Capitol. Iti dayta met laeng a malem, nagsarita iti kombension ti Liga ng mga Barangay ng Cavite a naangay iti Puerto Princesa, Palawan.
