Angayen ti GUMIL Filipinas, gunglo dagiti mannurat nga Ilokano, ti “GUMIL Dan-ay 2: Aldaw ti Daniw Kailokuan” inton Marso 30, 2025, iti ala una agingga iti alas singko iti malem, iti Barangay Hall ti Barangay 3, Nuestra Seniora del Rosario, Siudad ti Laoag.
Iwardas ti GUMIL Ilocos Norte, maitampok dagiti nadumaduma a kita ti daniw dagiti Ilokano kas iti daniw a pangorona, bukanegan, tapat, dallot, ken dadduma pay. Iti daytoy maikadua a tawen a pannakaiwayatna, maiparang ita ti GUMIL Dan-ay kas pangilagip iti kasangay da Pedro Bucaneg a mabigbig nga ama ti literatura nga Ilokano a naipasngay iti bulan ti Marso, ken ni Leona Florentino a mabigbig nga ina ti literatura nga Ilokano a naipasngay iti Abril 19.
Panglukat pay daytoy iti Abril kas Bulan ti Literatura nga Ilokano kas sagudayen ti Proclamation No. 26 s. 2001.
Manamnama a dar-ayan daytoy dagiti kameng ti GUMIL Filipinas a mangipakita iti laingda nga agpabuya kadagiti nasao a kita ti daniw nga Ilokano.
Mannalon iti Pasuquin, nakikontrata para iti direkta a pannakailako ti apitda a sibuyas
Mabuya met a live iti Facebook Page ti GUMIL Filipinas.
