Maysa a polis nga aglemlemmeng iti dandanin 10 a tawen gapu iti kaso a panagrames ti natiliw ti Special Action and Intelligence Committee for Transportation ti Department of Transportation (DOTr-SAICT) kalpasan ti ilalasatna iti kalsada a nairanta a para kadagiti bus ken lugan a para emerhensia iti EDSA iti daytoy nga aldaw, Lunes, Marso 24.

Kuna dagiti kameng ti DOTr-SAICT a pinarada ti suspek a nakamotorsiklo gapu iti panangusarna iti busway a nairanta laeng a para kadagiti public utility buses ken autorisado nga emergency vehicles. Inyam-ammo met ti suspek ti bagina a kas kameng ti Philippine National Police (PNP) sa  imbilinna kadagiti kameng ti SAICT a palubosanda isuna.

Dagiti kameng ti DOTr-SAICT ken PNP-CIDG iti panangtiliwda iti polis a nabayagen a sapsapulen dagiti pannakabagi ti linteg gapu iti kaso a panagrames bayat ti illegal nga ilalasatna iti busway.

Nupay kasta, kinontak dagiti kameng ti SAICT ti Criminal Investigation and Detection Group (CIDG) ti PNP tapno maberipikar ti kinaasino daytoy natiliwda nga agkunkuna a kameng ti PNP. Natakuatanda kalpasanna nga addaan gayam daytoy iti warrant of arrest a naipaulog pay laeng idi Pebrero  22, 2016 gapu iti kaso a panagrames.

Kalpasan a nakaalada iti kopia ti warrant, dagus a napan dagiti kameng ti CIDG iti lugar ket kinemmegda ti suspek sa impanda iti Kampo Crame idinto nga innala dagiti kameng ti SAICT ti driver’s license daytoy. (Patrick Garcia/ Manila Bulletin)

Nasional

Panangakseptar iti pannakawayawaya ni Duterte, kaipapananna ti panangbigbig iti hurisdiksion ti ICC iti Filipinas -- Malakanyang