Impalgak ti Bureau of Internal Revenue (BIR) a nangbukelda iti task force a mang-audit iti panagtungpal dagiti social media personalities iti obligasionda iti panagbuis.
Iti panagimbestigar nga inwayat ti Kamara, natakuatan a sumagmamano a vlogger ti gumangganar iti minilion a pisos iti inaldaw.
Kinuna ni Ron Mikhail Uy, abogado a nangibagi iti BIR, bayat ti maikatlo a tri-committee (tri-comm) hearing idi Marso 21, a "nakaaramiden iti specialized body" ti BIR. Segun kenkuana, maysa daytoy a task force a maipangruna iti panagimbestigar kadagiti social media influencer, ken para iti pannakaipaulog kadagiti letter of authority para iti ad-adu pay a tax audit.
Napagpapatangan daytoy a banag kalpasan nga imbilin ni Antipolo City 2nd district Rep. Romeo Acop ti BIR a mangisubmitir iti bilang dagiti social media content creator a bubuisan ti ahensia kasta met kadagiti baybayadanda a buis.
Panangakseptar iti pannakawayawaya ni Duterte, kaipapananna ti panangbigbig iti hurisdiksion ti ICC iti Filipinas -- Malakanyang
Ingganetget ti House panel a kayatda a maammuan ti tax audit ti inlasinda a 27 a social media personalities. (Joseph Pedrajas/MB)
