Rumbeng a papigsaen ti Department of Agriculture (DA) ti kampaniana a mangsigurado a suroten dagiti aglaklako ken mangsupsuplay ti maximum suggested retail price (MSRP) ti karne ti baboy.
Dinakamat ni Diputado Wilbert T. Lee (AGRI Party-list) ti kaudian a report a nasuroken a ₱400 ti tunggal kilo ti karne ti baboy iti laksid ti panagbaba ti presio daytoy iti farm gate.
Impaganetget ni Lee a masapul ti naing-inget a pannakaipatungpal ti MSRP tapno masalakniban dagiti aggatgatang ken masigurado ti patas a presio.
Segun iti datos ti Agribusiness and Marketing Assistance Service ti DA, 20 a porsiento laeng kadagiti 170 a binantayanda a pagtagtagilakuan iti Metro Manila ti nagtungpal iti MSRP ti karne ti baboy.
19 a Filipino a nakemmeg iti Qatar, adda pay laeng iti sidong ti polis
Kinuna ti DA a gapu iti bumabbaba a presio ti karne iti farm gate, a mapanen a ₱250 agingga iti ₱220 laeng tunggal kilo, rumbeng laeng a lumaka daytoy kadagiti pagtagilakuan.
Dinagadag ti AGRI Party-list ti DA a masapul a salaknibanda dagiti agtartaraken iti baboy iti pannakalugi. Impaganetgetna pay a nupay bimmaba ti presio iti farm gate, saan a marikna dagiti aggatgatang ti epekto daytoy. (Ellson Quismorio/Manila Bulletin//Lito Hilidon/Bannawag)
