Inaprobaran ni Presidente Ferdinand Marcos Jr. ti pannakairugi ti panagsasarita maipapan iti pannakabukel ti visiting forces agreement (VFA) iti nagbaetan ti Filipinas ken France.
Segun ken ni undersecretary ti Presidential Communications Office (PCO) Claire Castro ita nga aldaw, Marso 25, manamnama a mapagsasaritaan met ti kastoy a pannakitulag kadagiti dadduma a pagilian.
Maibatay iti tulag, manamnama ti panagbinninglay dagiti dua a pagilian iti kapanunotan, paglaingan, ken pannakaammo iti operasion ti militar.
Kinuna ni Castro a ti Department of Foreign Affairs (DFA) ken Department of Defense (DND) ti mangilawlawag iti dadduma pay a detalye ti negosasion. (Betheena Unite/Manila Bulletin//Lito Hilidon/Bannawag)
Nasional
