Mabalin nga ibilang ti national government a kas military reservation ti dua nga isla iti Subic Bay, segun iti Philippine Navy (PN).
Kinuna ni Rear Adm. Roy Vincent Trinidad, a pannakangiwat ti PN iti West Philippine Sea (WPS), a mabalin nga okuparen ti PN ti dadduma a paset ti Grande Island ken Chiquita Island nga adda iti abagatan a pagserkan iti Subic Bay, apaman nga agbalin dagitoy a military reservations.
Panggep ti PN ti panagsagana para iti posible a panangukopar wenno panangisagana iti daga a maited babaen ti maysa a presidential proclamation a mangideklarar iti paset ti SBMA (Subic Bay Metropolitan Authority) ken Grande Island, Chiquita Island a kas military reservation.
Ibilang ti Department of National Defense (DND) ti Grande Island nga estratehiko a pagwanawanan ta nalawag a makita dagiti kangrunaan a linia ti baybay iti WPS, agraman Bajo de Masinloc (Scarborough wenno Panatag Shoal) a yan dagiti armada ken bapor a panggubat, agraman ti coast guard ti China.
19 nga OFW a nabalud iti Qatar, tultulongan ti gobierno ti Filipinas
Inlawlawag ni Trinidad nga awan pakainaigan daytoy a panggepda iti pannakaarestar dagiti ganggannaet iti Grande Island idi Marso 13 gapu iti maipagarup nga panagespia ken panangkidnap a mainaig iti Philippine Offshore Gaming Operations (POGO). (Martin Sadongdong/Manila Bulletin//Lito Hilidon/Bannawag)
