Adun nga undocumented a Filipino ti naibalud ken mabalin a maideportar bayat ti uming-inget a kampania ti administrasion ni Presidente ti Estados Unidos Donald Trump kontra kadagiti illegal immigrant, segun ken ni Embahador ti Filipinas iti Washington Jose Manuel “Babe” Romualdez.
Iti maysa nga interbiu idi Marso 25, kinuna ni Romualdez nga adun dagiti Filipino a natiliw ken naibalud iti adu a paset ti US, ngem dina ketdi impalgak ti aktual a bilang dagiti illegal nga agnanaed iti US nga agur-uray a mapaawid ta kayatna nga agtalinaed a confidential daytoy a banag.
Imbalakad ni Romualdez kadagiti Filipino nga agboluntariodan nga agawid no awanen ti gundawayda nga agnaed a legal, tapno saandan a mapadasan ti maibalud iti las-ud ti mano a lawas wenno bulan. (Raymund Antonio/Manila Bulletin//Lito Hilidon/Bannawag)
