Impanamnama ti Malakanyang kadagiti mannalon iti Nueva Ecija nga itultuloy ti gobierno ti gumatang kadagiti produktoda a pagay.
Nakiddaw kadagiti mannalon nga urayenda laeng ti batangda madama a tamtamingen ti National Food Authority (NFA) ti atiddog a listaan dagiti mannalon a mangilako iti irikda.
Iti agdama, naituding iti ₱19 kada kilo, ken ₱18 iti dadduma a lugar, presio a paggatang ti NFA para iti kaap-apit wenno nabasa nga irik iti Region 1, 2, ken 3.
Magatang met ti nabilagen wenno namagan nga irik iti ₱24 kada kilo. (MB)
Nasional
