Naikkat iti takemda dagiti pito a kameng ti Bureau of Immigration (BI) iti Ninoy Aquino International Airport (NAIA) gapu iti agtultuloy panagimbestigar iti mapapati a pannakairamanda iti human trafficking.
Im-imbestigaren ti BI dagiti naikkat nga empleado, nga adda iti NAIA Terminal 1 ken 3, gapu iti pannakairamanda iti illegal departure dagiti biktima ti trafficking a napaawid idi Marso 25.
Kinuna ti BI ita nga aldaw, Marso 26, a no matakuatan a tinulonganda dagiti biktima, maidarum dagiti empleado iti Department of Justice (DOJ).
Segun iti BI, addan 30 a Filipino a biktima a naisubli iti Filipinas kalpasan a naispalda manipud iti sindikato ti online scamming iti Cambodia. Malaksid iti daytoy, adda pay tallo a biktima ti trafficking a napaawid manipud iti Cambodia itoy a bulan.
19 nga OFW a nabalud iti Qatar, tultulongan ti gobierno ti Filipinas
Natakuatan nga awan ti opisial a record of departure dagiti biktima ken naipuslitda babaen ti bilog manipud iti Jolo, Sulu a nagturong iti Sabah, Malaysia.
Inaklon dagiti biktima a namarkaan ti passport-da iti peke a marka sakbay a napanda iti Cambodia ken nagnada iti Malaysia ken Thailand. (Jeffrey Damicog/Manila Bulletin//Lito Hilidon/Bannawag)
