Impaganetget ti tallo nga annak ni dati a presidente Rodrigo R. Duterte iti Korte Suprema (SC) ti kiddawda a writ of habeas corpus tapno mapasubli ti amada iti Filipinas manipud iti The Hague, Netherlands.
Sinupiat da Diputado ti Davao city Paolo Duterte, Mayor ti Davao City Sebastian Duterte ken Veronica Duterte ti pagtaktakderan ti gobierno a nagbalinen a moot and academic ti kiddaw dagiti Duterte a writ of habeas corpus.
Naarestar ni dati a presidente Duterte idi Marso 11 ket naipan a dagus iti International Criminal Court (ICC) iti The Hague gapu iti kasona a crime against humanity.
Impetteng dagiti nagpetision a nupay addan ni Duterte iti ballasiw-taaw, illegal ti pannakaarestarna, ken mabalin a kuestionaren ti hurisdiksion ti ICC.
Umdas ti imbinglay dagiti kameng ti gabinete iti pannakaarestar ni Duterte -- Malakanyang
Impaganetgetda nga adda latta hurisdiksion ti SC ket mabalin a mangipatungpal iti writ of habeas corpus ken mangiparang ken ni dati a presidente Duterte. (Rey G. Panaligan/Manila Bulletin//Lito Hilidon/Bannawag)
