Iti panangsungbat ni Camille Villar iti isyu iti dinastia politikal bayat ti panagkamkampaniana iti Metro Manila, kinunana nga addaan iti 15 a tawen a padas iti panagserbi iti publiko malaksid iti makapnek a nagapuananna a kas corporate executive tapno makapagpaay a nasayaat iti Senado.
“Bitbit ko yung fifteen years kong matibay na karanasan sa negosyo, sa pagtataguyod ng kabuhayan, at yung track performance ko sa public service. Alam kong madami pa po akong magagawa,” kinuna daytoy kandidato a senador iti eleksion inton Mayo bayat ti proclamation rally ti “Alyansa Para sa Bagong Pilipinas” iti Cuneta Astrodome.
Iti laksid dagiti kritisismo, kinunana a nainspiraran nga agserbi kadagiti umili a Filipino babaen ti pannarabay a mismo dagiti dadakkelna nga agpada met a nabayagen nga adda iti serbisio publiko.
Kas naubing pay a kandidato, impeksa daytoy agtawen iti 40 nga agpampanday-linteg ti pammatina a makatulong tapno malawlawagan ken marisut dagiti parikut a sangsanguen ita dagiti millennials.
19 nga OFW a nabalud iti Qatar, tultulongan ti gobierno ti Filipinas
"Over the years, napakadami pong pagbabago, maraming challenges ang pinagdaanan natin. Dama ko yung mga suliranin ninyo,” kinunana.
Kas ina ti dua nga annak, kinuna ni Villar nga itantandudona met ti pagsayaatan dagiti inna ken dagiti agtutubo. “Bilang nanay, bilang millennial na bago lang nagtataguyod ng pamilya, alam ko yung pakiramdam nung uncertainty sa buhay,” kinuna daytoy anak a babai da dati a Senate President Manny Villar and Sen. Cynthia Villar.
Impakaammona met dagiti planona iti digitalisasion, nangruna ita a panawen nga agsaksaknap ti Artificial Intelligence iti amin a suli ti lubong.
“Yung innovation, yung uncertainty--- kailangan ng makabagong mga pananaw, makabagong mga solusyon, makabagong aksyon para tayong mga Filipino ay hindi mapag-iwanan ng panahon,” kinunana.
Inkari pay ni Villar Villar nga ikagumaananna ti mangpanday iti linteg a mangited iti gundaway a maaddaan ti tunggal Filipino iti pagtaengan, pannakataripato ti salun-at, ken edukasion.
Iti sabali a pannakiumanna kadagiti agiwarwarnak, inkari pay ni Villar ti itutulongna iti pannakapaadda ti linteg a mangsuportar iti pannakaparnuay dagiti trabaho babaen ti impraestruktura ken turismo.
“Any sector that gives jobs, susuportahan natin. Nakikita natin na marami ng mga batas pero nakikita rin natin na times are changing so we need to incorporate innovation in the changes. Pero may mga lumang problema na katulad ng kakulangan sa trabaho at pagtaas ng presyo ng bilihin na kailangan din nating harapin,” kinunana.
