Namnamaen ti Malakanyang ti panagadu ti insidente ti cybercrime iti kangitingitan ti panagkakampania bayat nga umadani ti 2025 mid-term elections.
Segun iti Malakanyang, mangrugin a marikna ti epekto ti cyber attack iti pagilian, isu nga imbilin ni Presidente Ferdinand Marcos Jr. ken ni Sekretario ti Department of Information and Communications Technology (DICT) Henry Aguda nga ipangrunana ti cyber security, digitalization, ken internet connectivity.
Kinuna ni Undersecretary ti Presidential Communications Office (PCO) Claire Castro nga agtitinnulong ti DICT, PCO, ken dadduma pay nga ahensia ti gobierno tapno parmekenda ti panagraira ti fake news, agraman dagiti iwarwaras dagiti troll farm.
Kiniddaw ni Castro kadagiti banko ken pinansial nga institusion a pabaruenda dagiti paglinteganda kadagiti online transaction ken operasion kas pangsalaknibda kadagiti cyber attack.
16 nga OFW a nagrali iti Qatar, mabalin a maibalud iti 3 a tawen
Dinagadag ni Castro ti pinansial a sektor nga agaramidda iti infomercial ken waragawag tapno maadalan ti publiko no kasano a liklikan ti pananakaiskam ken pannakabiktima iti cyber crime. (Betheena Unite/Manila Bulletin//Lito Hilidon/Bannawag)
