Rinugianen ti Department of Tourism (DOT) ti pannakaipatakder ti umuna a tourist rest area iti Isla ti Sabtang, Batanes a mangitampok iti disenio a maibatay iti Ivatan kas paset ti panggepda a mangpasayaat iti impraestruktura ti turismo ken mangpapintas iti padas ti sangaili kadagiti adayo a pagpasiaran.
Kinuna ni Sekretario ti DOT Christina Garcia Frasco a ti proyekto ti mangipakita iti gandat ti DOT a mangipaay iti kasapulan a pasilidad a pagnumaran ti turista ken lokal a komunidad.
Maipasdek ti pasilidad iti port area ti Sabtang ken addaan iti nadalus a kasilia, salas, lactation room, information hub, ken pasalubong center a mangidiaya kadagiti lokal a produkto ken makmakan a mangpataud iti pagbiagan kadagiti artisano ken babassit a negosio.
Maitampok iti disenio ti kannawidan ti Batanes kas iti balay a bato dagiti Ivatan.
16 nga OFW a nagrali iti Qatar, mabalin a maibalud iti 3 a tawen
Ti Batanes, a nalatak gapu iti nasin-aw a buya ti daga ken dagiti nataginayon a tradisionna, ti agtalinaed a pagtuladan para iti natalged a turismo. Itultuloy met nga itandudo ti DOT dagiti proyekto a mangtimbeng iti pannakasalaknib ti kultura ken panagrang-ay ti ekonomia. (Trixee Rosel/Manila Bulletin//Lito Hilidon/Bannawag)
