Pinasingkedan ni Sekretario ti Depensa ti Estados Unidos (US) Pete Hegseth ti natibker a pannakialiansa ti US iti Filipinas babaen ti maysa a courtesy call iti Malakanyang ita nga aldaw, Marso 28.
Daytoy ti damo a panangsarungkar ni Hegseth iti Indo-pacific region, ket impaganetgetna ti kinapateg ti pannakikadu ti US iti Filipinas para iti panangsigurado iti kinatalged ti rehion.
Indanon ni Hegseth ti mensahe ni Presidente ti US Donald Trump, nga ipatpategna la unay ti Filipinas ken nasged ti panagkumitna iti aliansa, iti panaggayyem, ken iti panagtinnulong dagiti dua a pagilian.
Pinasangbay ni Presidente Marcos ni Hegseth ket kinuna a ti isasarungkar ni Hegseth ti mangipakita iti panagkumit dagit dua a pagilian para iti pannakataginayon ti talna iti rehion.
16 nga OFW a nagrali iti Qatar, mabalin a maibalud iti 3 a tawen
Impaganetget ni Hegseth a kasapulan ti natibker a panagkadua iti militar ket dinakamatna ti pangta ti China iti pakisupsupiatan daytoy a teritorio iti West Philippine Sea. Rinaem ni Hegseth ti natibker a takder ti Filipinas iti pannakasalaknib ti baybay a teritorio daytoy. (Argyll Cyrus Geducos/Manila Bulletin//Lito Hilidon/Bannawag)
