Binallagaan manen ti China ti Filipinas iti pannakialiansana iti Estados Unidos (US) ket inakusaranna dagiti dua a pagilian a mangpatpataud iti riribuk iti rehion iti laksid ti kaudian nga addangda a mangpasayaat iti panagtinnulong ti militar.
Binabalaw ni pannakangiwat ti Foreign Ministry ti China Guo Jiakun ti kaudian nga statement ni Defense Secretary ti US Pete Hegseth nga adda ita iti Filipinas, ket pinakdaaranna ti Filipinas nga isardengda ti mangpataud iti riribuk.
Segun ken ni Guo, saan met a parikut ti wayawaya iti panaglayag ken panagtayab iti West Philippine Sea (WPS), ket binabalawna ti US iti panangipaayna iti ad-adu pay a puersa militar iti rehion a segun ken ni Guo ket mangdadael iti talna ken kinatalged.
Idi Marso 28, kinuna ni Hegseth a patibkeren ti Estados Unidos ti militar a pannakialiansana iti Filipinas ken mangipaay iti nayon a moderno a kapabilidad a militar para iti joint training.
16 nga OFW a nagrali iti Qatar, mabalin a maibalud iti 3 a tawen
Ti panangtagikua ti China iti sibubukel a WPS, nga aw-awaganna iti South China Sea, ti namagbalin iti rehion a militar a lugar ken nangiduron iti Filipinas a mangpatibker iti militar a pannakialiansana kadagiti dati ken baro a kaaliado a pagilian. (Raymund Antonio/Manila Bulletin//Lito Hilidon/Bannawag)
