Pinasingkedan manen ni agngayangay a senador Camille Villar ti panagkumitna a mangpabileg kadagiti babbai bayat ti pannakipaetna iti pannakarambak ti Women's Month iti Balanga, Bataan idi Huebes, Marso 20.
Impaganetgetna ti napateg nga akem dagiti babbai iti panangpapigsa iti ekonomia ti Filipinas ken inkarina a mangbukel iti ad-adu pay a paglintegan a mangitandudo iti kalinteganda ken mangparnuay kadagiti dakdakkel a gundaway para kadakuada iti kagimongan.
Kas kaubingan a kandidato iti eleksion iti Senado iti Mayo 2025, impaganetget ni Villar ti kinapateg dagiti babbai iti panagrang-ay ti pagilian, a kas panangipaganetgetna iti pammatina a "dagiti babbai ti mangitandudo iti ekonomia.”
Iti panangrambak ti Women's Month, pinadayawan met ni Villar tiapongna a ni Nanay Curing, ti ina ni dati a Senate President Manny Villar, a taga-Orani, Bataan. Intampokna ti napateg a kontribusion dagiti babbai iti sangakabbalayan ken iti trabahoda, a bigbigenna ti adu a responsabilidadda.
Camille Villar: Nasken a marisut ti parikut iti umad-adu nga agsiksikog a tin-edier iti pagiliantayo
“Naragsak a Bulan dagiti Babbai, apo kadagiti amin a nagaget ken agkakapintas a babbai ditoy ita – amin nga ina, lilang, ikit, annak, assawa a di agsarday a mangitantandudoitipamiliada. Daytoy nga aldaw ti gundaway a mangbigbig kadagiti nagapuanan, pigsa, ken naitulong dagiti babbai iti sangalubongan,” kinuna ni Villar.
Impaganetgetna ti panangipangpangrunana iti pagimbagan dagiti babbai, iti panangbukel ti linteg ken iti programa ti gobierno.
”Iti trabahok iti Kamara, ginandatko ti mangbukel iti paglintegan a mangsuportar ken mangsalaknib iti pagsayaatan dagiti babbai,” innayonna.
Bayat ti panagtakemna a kas diputado ti Las Piñas, ni Villar ket nangikampania kadagiti kangrunaan a linteg a kas ti The Pregnant Women Welfare Act ken ti Equal Maternity Protection Act, a mangipaay kadagiti benepisio kadagiti masikog a babbai, partikular dagiti adda iti informal sector. Intandudona pay ti lehislasion a mangipaay iti libre a benepisio iti medisina ken pannakayospital dagiti napanglaw a babbai.
Kas paset ti panangitandudo ni Villar iti salun-at ti ina ken reproductive health, nangiwaras ni Villar kadagiti maternity kits kadagiti babbai nga agbibiag kadagiti nanumo a pamilia. Nangirugi met kadagiti programa a kas ti Nanay Fair idiay Las Piñas, a mangmangted iti panagsanay iti pagbiag, financial coaching, ken dagiti seminar tapno mangpabileg kadagiti inna kadagiti nadumaduma a barangay.
“Impangpangrunak nga intandudo dagiti programa a mangsalaknib iti pagimbagan dagiti babbai, ta patiek a no mapabileg dagiti babbai, agbalin a naurnos ken agballigi ti pamilia,” impaganetget ni Villar.
Gapu iti nabileg a rekordna iti panangidepensa iti kalintegan ken pagimbagan dagiti babbai, agtultuloy nga itantandudoni Villar dagiti polisia a mangpabileg iti akem dagiti babbai iti pannakaibangon ti pagilian, tapno masigurado a maaddaanda kadagiti kasapulan a rekurso ken gundaway a kasapulan tapno rumang-ay.
