Nareliebo ti hepe ti polis ti Pasuquin, Ilocos Norte ken tallo a polis kalpasan a nagwaras ti video a pagsasawan ken dangdangran dagiti tallo a polis ti maysa a lalaki agraman kakaduana a nagkamang iti estasion ti polis itay napan a lawas.
Kinuna ni daulo ti polis ti Ilocos Norte Police Col. Frederick Obar iti maysa a press conference idi Abril 1, nareliebon dagiti uppat a polis, ket naipandan iti provincial police headquarters tapno maimbestigarda.
Kinuna ni Obar a kaso a kriminal ken administratibo ti mabalin a maipila kadagiti polis no matakuatan a nagbasol dagitoy. Nairaman a nareliebo ti hepe gapu iti command responsibility.
Idi Marso 30, dimmatag iti estasion ti polis ti dua a lalaki tapno ipulongda koma ti pannakadangranda iti napasamak a panagsisinnubang iti maysa a lamay iti maysa a barangay.
Kapitan ti barangay iti Pangasinan, napaltogan
Ngem binugkawan ti maysa kadagiti polis a kagapgapuna iti checkpoint ti maysa kadagiti napan agipulong, a nangpataud iti riri ken nakadangran daytoy.
Nagwaras ti video ti napasamak kalpasan a maipaskil daytoy iti social media. (Liezle Basa Iñigo/Manila Bulletin//Lito Hilidon/Bannawag)
