Umdasen ti imbinglay dagiti opisial ti gabinete mainaig iti pannakaarestar ni dati a presidente Rodrigo Duterte, kinuna ti Malakanyang, kas panangikalintegan ti administrasion iti saanda a panangipalubos kadagiti kameng ti gabinete a dumar-ay iti sumaruno a bista ti Committee on Foreign Relations nga idadauluan ni Senadora Imee Marcos.
Segun ken ni Undersecretary ti Presidential Communications Office (PCO) Claire Castro ita a Mierkoles, Abril 2, napagnunumuanan dagiti opisial ken kameng ti gabinete nga umdasen dagiti impaayda nga impormasion iti immuna a bista.
Kinuna ni Castro a naawaten ni Sen. Marcos ti surat idi Marso 31 manipud ken ni Executive Secretary Lucas Bersamin a nagkedked iti itatabuno ti gabinete inton Abril 3, a sumaruno a hearing ti Senado mainaig iti pannakaarestar ni Duterte.
Impaganetget ni Castro nga awan ti kalkaluban ti administrasion ni Presidente Ferdinand Marcos Jr. iti panagkedkedda a tumabuno iti sumaruno a hearing.
20 a pakigubat nga eroplano, ilako ti US iti Filipinas
Kinuna ni Castro nga awan pay ti sungbat ni Bersamin no dumawat iti konsiderasion ti senadora. (Betheena Unite/Manila Bulletin//Lito Hilidon/Bannawag)
