Mapanen a 3,085 ti bilang dagiti natay gapu iti napigsa a ginggined a nangdayyeg iti Myanmar maysa a lawasen ti napalabas, bayat ti agtultuloy a panangsawar ti search and rescue team, segun iti military junta a mangiturturay iti pagilian. Makumikom met dagiti humanitarian aid group a mangipapaay iti tulong-medikal ken pagdagusan kadagiti nakalasat.
Iti maysa nga statement, kinuna iti military junta nga addan 4,715 a nadangran ken 341 ti mapukpukaw.
Segun iti World Health Organization, uppat nga ospital ken maysa a health center ti narpuog idinto a 32 nga ospital ken 18 a health center ti saan unay a nadadael.
Gapu iti daytoy, narigat a mataming dagiti naapektaran iti ginggined, aglalo kadagiti lugar a nakaro ti pannakadadaelda.
12 nga estado ti US, indarumda ti administrasion ni Trump tapno isardengna ti annurotenna iti taripa
Segun iti military junta, nasuroken a 1,550 dagiti international rescuer a tumultulong iti Myanmar, idinto a 17 a pagilian ti nangipaay iti tulong kas iti suplay ken rescue equipment. (Associated Press/Manila Bulletin//Lito Hilidon/Bannawag)
