Naawis manen dagiti vlogger, social media influencer, ken dadduma pay a personalidad iti internet a tumabuno iti sumaruno a hearing ti tri-committee (tri-comm) ti Kamara inton Abril 8.
Buklen ti tri-comm ti tallo a komite: ti Public Order and Safety, Information and Communications Technology, ken ti Public Information.
Kinuna ni Rep. Dan Fernandez (Santa Rosa Lone District), daulo ti tri-comm, idi Abril 6 a namnamaenda ti idadar-ay da Jose “Jay” Yumang Sonza, Krizette Laureta Chu, Mark Lopez, Mary Jane Quiambao Reyes, ken dati a press secretry Rose Beatrix “Trixie” Cruz-Angeles.
Iti napalabas a hearing, nagsangit da Chu, Reyes, ken Lopez a dimmawat iti dispensar gapu iti maipagarup a makaallilaw ken saan a napasingkedan a paskilda iti social media.
Kasapulan ti natibker ken nainkalintegan a pagtaktakderan iti parikut iti WPS --NMC
Naawis met a kas resource person da Joie Cruz (Joie De Vivre), Dr. Ethel Pineda Garcia, Alvin Curay, Ma. Khristine Claud Curay, Epifanio Labrador, Manuel Mata Jr. (Kokolokoy), Dr. Richard Tesoro Mata (Dr. Richard and Erika Mata), George Ahmed Paglinawan (Luminous by Trixie & Ahmed), Aeron Peña (Old School Pinoy), Ramon Gerardo B. San Luis, ken Elijah San Fernando (Eli).
Malaksid kadagitoy, 24 pay a vlogger ken influencer ti napatulodan iti subpoena tapno dumar-ayda iti sumaruno a hearing.
Naikkan iti subpoena da Ernesto S. Abines Jr., Lorraine Marie Tablang Badoy-Partosa, Suzanne Batalla, Mary Catherine Binag, Jeffrey Almendras Celiz, Atty. Glenn Chong, Claire Eden Contreras, Lord Byron Cristobal, Jeffrey G. Cruz, Alex Destor, Ma. Florinda Espenilla-Duque, Claro Ganac, Edwin Jamora, Elmer Jugalbot, Julius Melanosi Maui, Joe Smith Medina, Alven L. Montero, Jonathan Morales, Cyrus Preglo, Vivian Zapata Rodriguez, Darwin Salceda, Allan Troy “Sass” Rogando Sasot, Maricar Serrano, ken Kester Ramon John Balibalos Tan.
Binallaagan ni Rep. Joseph Stephen Paduano (Abang-Lingkod Party-list), a co-chairman ti tri-comm, dagiti 24 a naikkan iti subpoena a mabalinda a ma-cite for contempt ken maibalud no saanda latta a dumar-ay.
Manamnama a tumabuno dagiti pannakabagi ti social media platform kas iti Meta (Facebook), TikTok, ken Google tapno sungbatanda dagiti saludsod mainaig iti ipatpatungpalda a content moderation system, ken ti pannakitinnulongda iti gobierno ti Filipinas tapno malabanan ti fake news.
Naawis met dagiti opisial ti ahensia ti gobierno kas iti Department of Information and Communications Technology (DICT), Department of Justice (DOJ), Cybercrime Investigation and Coordinating Center (CICC), National Bureau of Investigation (NBI), Philippine National Police (PNP), Bureau of Internal Revenue (BIR), ken ti Anti-Money Laundering Council (AMLC).
Panggep ti hearing a kitaen ti sungsungbatan dagiti dadduma a content creator ken social media influencer gapu iti panagiwarasda iti fake news ken ti tignay dagiti social media platform iti panagraira dagiti palso nga impormasion. Kayat a palutpoten ti tri-comm no dagitoy a tignay ket paset ti organisado a panagkampania ken no kasano a maponponduan dagitoy. (Ellson Quismorio/Manila Bulletin//Lito Hilidon/Bannawag)
