Winaswas ti gobierno ti Qatar ti kaso nga illegal assembly ti 17 a Filipino, gapu iti diplomatiko a relasion daytoy iti Filipinas, kinuna ti Malakanyang ita nga aldaw, April 7.
Impakammo daytoy ni Secretary ti Presidential Communications Office (PCO) Claire Castro kalpasan ti panagsarita da Presidente Ferdinand Marcos Jr. ken Qatari Ambassador to the Philippines Ahmed bin Saad Al Homidi ita nga aldaw.
Kinuna ni Castro a nawayawayaan dagiti 17 a Filipino iti Qatar gapu iti napardas a tignay ni Presidente Marcos, ket saan a pudno ti ibagbaga dagiti dadduma nga awan ti mapaspasamak iti pagilian.
Segun ken ni Castro, ti pannakawayawaya dagiti naibalud a Filipino ti pakakitaan iti napintas a relasion ti Filipinas ken Qatar.
<i>Magellan </i>a pelikula ni Lav Diaz, maipabuya iti 2025 Cannes Film Festival
Kinuna ni Castro nga adda kadagiti OFW no agtrabahoda a kas gagangayna, wenno agawiddan iti pagilian.
Naikkan iti provisional release dagiti 17 a Filipino idi napan a lawas kalpasan ti pannakaarestarda gapu iti maipagarup a panangisayangkatda iti illegal assembly idi Marso 28 kas panangsuportarda ken ni dati a presidente Rodrigo Duterte.
Segun iti Department of Migrant Workers (DMW), naibalud dagiti OFW uray awan pay ti kaso a naipila kadakuada. (Argyll Cyrus Geducos/Manila Bulletin//Lito Hilidon/Bannawag)
