Binaliwan ti Malakanyang ti pangngeddengna iti hearing ti Senado mainaig iti pannakaarestar ni dati a presidente Rodrigo Duterte, ket imbinglayna dagiti nangato nga opisial a mabalin a dumar-ay iti hearing.

Daytoy ti impakaammo ni Undersecretary ti Presidential Communications Office (PCO) Claire Castro kalpasan ti imbaga ni Senate President Francis Escudero a dumar-ay iti hearing dagiti opisial kalpasan a nagkedked ti Malakanyang ket impakatna ti executive privilege.

Iti maysa a press briefing ita nga aldaw, Abril 7, kinuna ni Castro a nupay dina ammo no naawaten ti Office of the Executive Secretary (OES) ti imbitasion, impalnaadna ti nagan dagiti opisial a mabalin a dumar-ay, nga isu dagiti sumaganad:

DOJ Secretary Jesus Crispin Remulla,

Nasional

Lider ti barangay, intampok ni Camille Villar kas adigi ti nation-building

Prosecutor General Richard Anthony Fadullon,

Chief State Counsel Dennis Arvin Chan,

DFA Secretary Enrique Manalo,

Philippines Center on Transnational Crime Executive Director Alcantara,

PNP Chief General Rommel Francisco Marbil,

PNP-CIDG Director General Nicolas Torre III,

DMW Secretary Hans Leo Cacdac,

Special Envoy Markus Lacanilao,

ken dagiti abogado a da RJ Bernal ken Ferdinand Loji Santiago.

Segun iti Malakanyang, nagbaliw ti pangngeddengda kas panangraemda iti kiddaw ni Escudero, ngem saanda latta a dakamaten dagiti sakup ti executive privilege. (Argyll Cyrus Geducos/Manila Bulletin//Lito Hilidon/Bannawag)