Maysa a French nga abogado, ni Dov Jacobs, ti maysa kadagiti agpaay a kameng ti defense team ni dati a presidente Rodrigo Duterte iti kasona a crime against humanity iti International Criminal Court (ICC).
Segun iti maysa a dokumento ti ICC idi Abril 7, napusgan ni Jacobs a tumulong iti defense team kas associate counsel.
Pinatalgedan ti Registry ti ICC ti pannakadutok ni Jacobs idi Abril 3, ket inawatna met daytoy.
Ni Nicholas Kaufman, maysa a British-Israeli nga abogado a nagturpos iti Cambridge University, ti lead counsel ni Duterte sipud idi naarestar idi Marso 12.
Nora Aunor, 71, pimmusay
Iti agdama, awan ti Filipino a kameng ti defense team ni Duterte, ngem segun iti report ti GMA Integrated News, adda sumagmamano nga abogado a Filipino a dida ninaganan, a mangsupsuportar ken ni Duterte.
Ni dati nga executive secretary Salvador Medialdea ti timmakder nga abogado ni Duterte bayat ti initial appearance a naangay idi Marso 14, ngem naglusulos met laeng kalpasan a mabukel ti opisial a defense team ni Duterte. (Joseph Pedrajas/Manila Bulletin//Lito Hilidon/Bannawag)
