Nagsardeng ti nasaknap nga operasion ti panagkurob wenno dredging iti Cagayan River manipud pay idi 2023, kinuna ti Malakanyang.
Innayonna nga awan met ti maisaysayangkat a dredging operation iti karayan iti agdama.
"Segun iti regional executive director ti Department of Environment and Natural (DENR) ti Cagayan Region, naipasardengen daytoy a dredging," kinuna ni Palace Press Officer ken Communications Undersecretary Claire Castro iti maysa a briefing ita a Martes, Abril 8.
Dinakamat ni Castro ti maysa a pakaammo manipud iti DENR a mangibagbaga a ti pribado a sektor a nakipaset kadagiti operasion ti dredging ket nagpatinggan gapu ti "poor market condition" ti makurkurob a materiales.
Marcos, inkalikagumna ti disiplina iti kalsada iti baet ti yaadu ti mapagpagteng a road rage
Iti maysa a waragawag idi Abril 3, kinuna ti Pambansang Lakas ng Kilusang Mamamalakaya ng Pilipinas (Pamalakaya) a ti dredging project, nga isaysayangakt dagiti kompania ti China ken naiparang a kas flood control measure, ket nangriribuk iti marine life ket naapektaran ti pagbiagan dagiti lokal a mangngalap.
Gapu iti dredging operations, kinuna ni Pamalakaya a bimmaba ti makalap nga ikan iti Cagayan. Pinabasol ti grupo dagiti mangngalap ti polisia ni dati a presidente Rodrigo Duterte a nangsuportar iti dredging operations nga idauluan ti China bayat ti terminona. (Betheena Unite/MB)
